Murgiaran baserria

Murgiaran
Kokalekua
Lurraldea	Gipuzkoa
Udalerria	Mutiloa
Murgiaran baserria Murgiaran baserria (Gipuzkoa)
Ezaugarriak
Katalogatua
Eusko Jaurlaritza	2008ko ekainaren 26a

Murgiaran Mutiloako baserria da, jatorriz XVI. mendekoa, baina XVII. mendearen lehenengo erdialdean berregina.

2008ko ekainaren 26ean, Eusko Jaurlaritzak monumentu izendatu zuen, Sailkatutako Kultura Ondasuna.

Ezaugarriak

Oinplano laukizuzena duen familia bakarreko baserria da, hego-ekialdera jotzen duen fatxadarekin elkarzut dagoen gailurra duena. Bi isurkiko artisau erako hodi-teiladun estalkia du eta harlangaitzez egindako horma perimetralak. Bi solairu eta ganbara bat ditu.

Hego-ekialdeko txokoan, eranskin baten barruan, dolare zahar bat dago.

Fatxadak

Hego-ekialdeko fatxada nagusia zarpiatua eta kareztatua dago. Lurraren desnibela dela eta, fatxada hau oso laburra da. Lehenengo solairuan leiho-baoren bat du, eta lau balkoi karelduneko lerro bat. Alde honetatik baserriko ganbarara pasatzen da zuzenean, hormigoizko zubi batetik aurrena eta, gero, zurezko portale batetik. Ganbara parean, beste hiru leiho-zulo daude. Ipar-ekialdeko eta hego-mendebaldeko fatxadek, zati batean, landugabeko itxitura-oholtzak dituzte lehenengo solairuaren eta ganbararen parean. Bi fatxada hauek lehenago deskribaturikoa bezalatsukoak dira. Ipar-mendebaldeko fatxadak harlangaitzezko horma-atalak ditu bistan, eta beste hiru leiho-zulo eta gezi-leihoren bat ditu. Teilatupe erantsi batek fatxadako paramentuak estaltzen ditu zati batean.

Barnealdea

Eraikinaren egitura atal bakarreko zortzi zutabetan oinarritzen da, non enara-buztan eran loturiko habeak eta besoak lotzen diren. Zutabeetako bat berrerabilitako dolare gotikoko zutabe bat da. Ganbarako oholtza mihiztatutako itxitura-atal batzuek, gailurraren azpian, bitan banatzen dute ganbara hau. Jatorrizko bi eskaileraren bidez igotzen da ganbarara. Petral, gapirio eta latek teilatuari eusten dion egitura osatzen dute.

Ikus, gainera

• Mañastegizar baserria (Mutiloa)

Erreferentziak

• Edukiaren zati bat monumentu hau sailkatutako kultura-ondasun izendatzen duen lege testutik hartu da. Izan ere, testua jabari publikokoa da eta ez du jabetza intelektualik, Espainiako Jabetza Intelektualaren Legeko 13. artikuluan xedatu denez (Espainiako Aldizkari Ofiziala, 97. zenbakia, 1996-04-22).

Kanpo estekak

• Kultura Ondasun izendapena EHAAn

• Datuak: Q8341996